பண்ணிசையை பல நூற்றாண்டு காலமாக போற்றிப்பாதுகாத்துவரும் தருமபுர அதீனத்தின் பணி ஈடு இணையற்றது.தமிழிசைக்காவலர்களாகிய ஓதுவாமூர்த்திகளில் இன்று பெரும்பான்மையானவர்கள் தருமபுர மடத்து தேவாரப்பாடசாலையில் பயின்றவர்களும் அவர்கள் வழிவந்தவர்களும் ஆவர். .திருமடத்தின் பண்ணிசைப்பணிகளில் ஒன்றாகிய ஓதுவாமூர்த்திகளை ஊக்குவிக்கும் முகமாக ”திருமுறைக்கலாநிதி என்ற பட்டம் வழங்கப்படுகிறது
. இது ஆண்டுதோறும்சீர்காழி பிரம்மபுரீஸ்வரர் ஆலயத்தில் இடம்பெறும் ஞானப்பால் உற்சவத்திலும் .திருவாமூரில் திருநாவுக்கரசு நாயனார் ஆலயத்தில் அப்பர் குருபூசைத்தினத்திலும். மடத்தின் சில முக்கிய நிகழ்வுகளின் போதும், ஆதீனத்திருக்கோயில்களின் குடமுழுக்கு விழாவின் போதும் வழங்கப்படுகிறது.
இன்றுதிருத்தருமபுரத் தலத்திலே திருக்குடநன்னீராட்டுவிழாவில்,
, தருமையாதீன இருபத்தி ஆறாவது குருமாகா சந்நிதானம் ஸ்ரீலஸ்ரீ சண்முகதேசிகஞானசம்பந்த பரமாச்சாரிய சுவாமிகள். திருக்கரங்களால்,குமாரவயலூர் திருஞான பாலச்சந்திர ஓதுவாருக்கு ”திருமுறைக்கலாநிதி” என்ற பட்டமும்,பொற்பதக்கமும் வழங்கியருளினார்கள்..இவ்வாலயத்தில் பாலச்சந்திர ஓதுவாமூர்த்திகளுக்கு இவ்விருது கிடைத்தமை மிகப்பொருத்தமானதாகும். இவர்கள் பண்ணிசையிலும் தாளநுணுக்கங்களிலும் கைதேர்ந்தவர்.தமது பல பண்ணிசை அரங்கினிலே ’மாதர் மடப்பிடியும்” என்ற இத்தலத்து பதிகத்தினை மிகச்சிறப்பாக இசைநுணுக்கங்களுடன் பாடியுள்ளார்.. அண்ணாமலைப்பல்கலைக்கழகத்தில் தேவாரப்பேராசிரியராக பணியாற்றிவரும் இவர்.தருமபுரமடத்திலும் பண்ணிசைப்பணியாற்றி வருகின்றார்.
மூன்று தலைமுறையாக தருமையாதீன இருபத்தியாறாவது குருமாகா சந்நிதானம் அவர்களிடம் “திருமுறைக்கலாநிதி” என்ற பட்டம் பெற்ற பெருமைக்குரிய ஒரே ஓதுவார் குடும்பம்.
இவரது பாட்டனார்.தேவூர் சந்திரகாச தேசிகர் அவர்களுக்கு 1999 ம் ஆண்டில் சீர்காழி பிரமபுரீஸ்வரர் ஆலயத்தில் திருமுலைப்பால் உற்சவத்தின் போதும்,
இவரதுதந்தையார் குமாரவயலூர் திருஞானசம்பந்த ஓதுவார் அவர்களுக்கு, 2004ம் ஆண்டு தருமையாதீனம் 26 வது ஸ்ரீலஸ்ரீ சந்நிதானம் அவர்களின் 80ம் ஆண்டு முத்து விழாவின் போதும், குமாரவயலூர் பாலச்சந்திர
ஓதுவாருக்கு திருத்தருமபுர ஆலய திருக்குட நன்னீராட்டுவிழாவிலும் தருமையாதீன இருபத்தியாறாவது குருமாகா சந்நிதானம் அவர்களின்“திருக்கரங்களால்
திருமுறைக்கலாநிதி” என்ற பட்டம் பொறித்த பொற்பதக்கமும்,பொன்னாடையும் அணிவித்து ஆசிவழங்கினார்கள்.
